Tekur hvaða tilboði sem er

Ríkisstjórnin virðast vilja taka hverju því tilboði sem þeim býðst frá herraþjóðunum.  Nú vilja þau hoppa á það tilboð sem Bretar gáfu um daginn.  Það tilboð var auðvitað bara snilldarbragð hjá Bretum til að reyna að gera kosningarnar marklausar.  Ríkisstjórnin beit á agnið og segir linnulaust að þetta séu marklausar kosningar.  Þau virðast tala máli herraþjóðanna við hvert tækifæri.

Það er ótrúlegt að ríkisstjórnin (sem ég reyndar kaus) skuli ekki fara að vilja þjóðarinnar.  Þau þröngvuðu þessu hræðilegu lögum gegnum þingið og núna reyna þau að gera lítið úr kosningunum.  Allt veikir þetta samningastöðu okkar og þyrfti að senda þau á námskeið í samningatækni.  Samninganefndin sjálf hefur þekkinguna og hefur margoft beðið ríkisstjórnina um að gera ekki lítið úr kosningunum því þær bæti samningsstöðu okkar.  Jóhanna hlustar ekki á nefndina og segist ekki ætla að mæta á kjörstað.  Hvernig getur hún verið forsætisráðherra þegar hún vinnur gegn vilja og hagsmunum þjóðarinnar?

Það liggur alveg ljóst fyrir að það verður að hafna þessum óhagstæða samningi sem er á borðinu, því annars tekur hann gildi.  Hver á að mæta á kjörstað til að hafna samningnum ef Jóhanna ætlar ekki að gera það?  Þetta er ekki beint gott fordæmi, hún vill e.t.v. að hann verði samþykktur?

Á meðan ekki hefur verið gerður nýr samningur þá þarf að hafna þeim óhagstæða sem nú liggur á borðinu, því það er alls óvíst að annars náist nokkuð nýtt samkomulag!

Sýnum lýðræðinu virðingu og mætum á kjörstað á morgun.

Tilbúnir til frekari viðræðna

Athugasemdir

[Ingibjörg Guðrún Magnúsdóttir, 5.3.2010 kl. 20:44]

Já Alfreð svipað og ég hef verið að velta fyrir mér hvað er það sem veldur því að þau vilja ekki hlusta á eða fara eftir vilja þjóðarinnar... vonandi verður slegið met í kosningar mætingu á morgun.

[Ingibjörg Guðrún Magnúsdóttir, 5.3.2010 kl. 20:44]

Og allir sem einn segi NEI.

[Eva Sól (IP-tala skráð) 5.3.2010 kl. 21:25]

Ég vona svo sannarlega líka að kjörsókn verði góð á morgun - þrátt fyrir að forystumenn stjórnarflokkanna hafi hálft í hvoru latt fólk til að fara.

 Þetta er baráttumál fyrir Ísland - ekki stjórnarandstöðu!!!

[Kalli Sveinss (IP-tala skráð) 5.3.2010 kl. 23:16]

Svona, svona Alfreð minn ! Ekki þennan æsing ! - Ertu búinn að gleyma hvað foringinn Steingrímur sagði í nóvember 2008 ??

 Jú, hann sagði orðrétt.: " Það verður bylting í landinu ef menn ætla að borga þennan Icesave reikning" !

 Já, þetta sagði okkar maður - hann Steingrímur - og mundu, hann lýgur barasta aldrei !!

 Mundu svo fyrirmælin frá Jóhönnu.: Við sitjum heima á morgun - enda spáð rigningu & slyddu !

Ætlum þrjú, ég, Steingrímur & Jóhanna að horfa saman á enska boltann  ( kannski einn bjór með ! )

 Áfram K.R. !