Foreldrarnir leiðinlegir

Ótrúlegt hvað er rannsakað núorðið.  Hvað er næst?  "Fólk sem sefur lengi vakir meira" eða "Fólk sem borðar mikið losar meira rusl".  Það þarf ekki að vera orsakasamband á milli þess að spila tölvuleiki og sýna "andfélagslega hegðun" 16 árum síðar, eins og niðurstaðan á víst að sýna.

Allt eins líkleg skýring væri að foreldrarnir séu einfaldlega leiðinlegir og því ekkert skrítið að unglingurinn nenni ekki að tala við þá 16 árum síðar.  Leiðinlegt fólk nefnilega skánar sjaldan þó langur tími líði.

Það ætti e.t.v. að rannsaka af hverju það eru svona margir með húðsjúkdóma í Bláa lóninu.  Sumir gætu dregið þá ályktun að það sé vegna þess að vatnið í Lóninu valdi húðsjúkdómum!

Skjáir í stað tengsla við fólk